هذه {ألأبوذيات}
من تأليف ألشاعر:
   ((عمر حامد عبد))
للأستفسار : أتصل ؟
......[07903925881]......أو عبر الأيميل :omarhamed2‎0‎03‎@yahoo.com
-1(وحياني):
ميت  والعشك  ردني  وحياني
دنك  باسني   بخدي   وحياني
سئلني وكتله طياوي وحياني
أشك الكاع  لو   عالو  عليه
-2{ودرباك}:
هنجل كلبي من شافك ودرباك
وحرت أشلون ا علمنك  ودرباك
كضيت زحوف شارعكم ودرباك
وزلغت الركب وعكوس أديه
-3{كلفاني}:
العشك يهديب  عمري  كلفاني
وحبنه  بغير  حبكم  كله   فاني
بسهمك  من  رميته   كل لفاني
شك صدري وجزاني ورد عليه
-4(ونته مني):
حبيبي  أنه   منك   ونته  مني
وحس كلمن يون لك ونته مني
اجت احزان دهرك  ونتمن لي
وصرت يفلان مأوه الكل رزيه
-5(وعدلك): 
شكثراحسب أنه الجيتك وعدلك
سهرت الليل   امتاني  وعد لك
اريدن بيدي   اعوجنك   وعدلك
وعدلك  لو  متت مابين أديه
-6(ونتبهلك):
أبد    ما   أصطبيلك    ونتبهلك
وحذر  حيل  مني   ونتبه   لك
أنه  ابئهلي  أزامط   ونته بهلك
(أذا أهلك زلم  هدهم  عليه)
(أذا عندك شعر جاوب  عليه)
_-7(مذابه):
الأحبه  روحي   بروحه   مذابه
زعل  وياي  لو   ادري  مذابه
ذبني   بلا سبب    وانه   مذابه
هجرني وصاح حبك بس أذيه
-8(ورحمه): 
عليكم  من سلام (الله) ورحمه
حن  علل   قلب   مره   ورحمه
أذا  رايد   أجر   أنته   ورحمه
تعال انطيني بوسه وحن عليه
-9(وهملك):
اجيك   بلهف   أتعنه    وهملك
ولتضن  يوم   أملنك    وهملك
أذا  ضنيت   متأكد   وهم  لك
لأن ميصح  يهملك  صافي نيه
-10(وسبني):
كلمن كال سوف أعمل وسبني 
جنه   بحجيه  شتمني  وسبني
أكله منل وطن  اطلع   وسبني
آنه أبني  الوطن  بثنين أديه
-11(شتمني):
الفكر من عكلي طار وشتمني
وعليك   ألما يشتمن   شتمني
بعد  هل  ذل يروحي  شتمني
تمنت روحي تاخذهه ألمنيه
-12(يعراك):
طبع  اليحفر  بصحراء  يعراك
ومن طبع الشجربالطين يعراك
ومنطبع العراقي يصيح يعراك  ألك يغدي العمر فدوه وهديه
-13(يماي) عطشان عله جرفك ليش يماي
كل خصله منكظهه تصيح يماي
بعيد  أبعد  بعد  لا تلفي يماي
أذا تلفي أشك ثوب العليه
-14(وفصلاك):
أنه الماخاف من اصلك وفصلاك
منكظك بيدي اكطعنك  وفصلاك
ولمن    ديتك   لمه   وفصلاك
أذا دينار أنطي الفصل ميه
-15(شطيت):
بحجيك ليش بس وياي شطيت
نطيتك دمع عيني تكول شطيت
انه بدمع لجفون اشطوط شطيت
وصب دجله وفرات بين أديه
-16(ولوزان):
أبليس الوسوس ابذانك ولوزان
ادخلك  جنه   كليبي    ولوزان
أحبك ابكثر  لحرف   والوزان
وبكل حرف أووزن مضروب ميه
-17(قفلهه):
ألبجميله عليك لو مرت قف الهه
قصيدة عشك من تمشي  قفلهه
أحلفك كون   من توصل  قفلهه
تقفلهه بألف سركي عليه
-18(وبتكم):
بت  كلبي  انكطع  بلتك  وبتكم
ردت أندله   شارعكم   و بتكم
أجي   خطاب  البتكم    وبتكم
غصبن عل عشيره آخذهه اليه
-19(رجماي):
ألحب  أبحجر  سجيل  رجماي
ودمع لجفن فوك لوجن رجماي
حبيبي لو طلب فد يوم  رقماي
أنبطي الرقم والهاتف سويه
-20(بستك):
زوج اطيور حبنه صفن بس  تك
وصرنه  للشماته  علج    بستك
مباأدري شجاني وكمت   بستك
أعذرني ألجرالك مو بديه
-21(ونته رمشي):
يحلوه عيوني أنتي ونتي رم
لتبزعليني منج  ونه  تره امبشي
راح نطيج رقمي ونتي رمشي
بس رمشي اتصل ميه بل ميه
-22(يامطرنه):
بسك  فظنه   كافي   يامطرنه
وجرنه  عله   مايك  يامه طرنه
وفيظك لعد  بيتي  يامه  طرنه
ويامه  فيظت  بيتي  عليه
-23(موطبيعي):
أحبج  حب  جنون"  مو طبيعي
بطلي أبييع ثكلج موطه  بيعي
طبع الشهم طبعي  مو  طبيعي
أغدر ونثني بسابع ثن